1. Tryggið að allar tunnur séu til staðar í ruslageymslu til að taka á móti flokkuninni
- Pappír/pappi
- Plast
- Matarleifar
- Blandaður úrgangur
- Málmar
- Gler
- Textíll (svuntur, dúkar, bolir og annað)
Vissir þú að ef skilið er eftir rusl á gólfi eða tunnur yfirfullar þá er rukkað auka losunargjald?
2. Passið að innanhússflokkunarílát séu einnig til staðar
- Flokkunarílát með merkingum fást m.a. hjá Íslenska Gámafélaginu
Vissir þú að það má nota hvaða innanhúsílát sem er (t.d. ílát sem vörur koma í á borð við egg, mæjónæs o.s.frv.) svo lengi sem hráefnin eru flokkuð rétt?
3. Merkið tunnur og ílát með samræmdum merkingum
- Hægt er að hlaða niður merkingunum endurgjaldslaust á www.fenur.is
- Einnig er hægt að kaupa límmiðamerkingar hjá þjónustuaðilum
Vissir þú að best er að fá endurvinnsluefni (s.s. pappír og plast) beint í tunnurnar því það er meiri vinna fyrir þjónustuaðila að tæma pokana?
4. Notist við viðeigandi poka
- Bréfpokar fyrir matarleifar
- Glærir pokar fyrir endurvinnsluefni og almennt sorp
Vissir þú að allir svartir pokar er flokkaðir í óendurvinnanlegt almennt sorp sem er dýrari flokkur?
5. Prentið út flokkunarleiðbeiningar fyrir starfsfólk
- Íslenska gámafélagið og Terra eru með prentvænar flokkunarleiðbeiningar á íslensku, ensku og pólsku
- Setjið leiðbeiningar hjá innanhússflokkunarílátum
Vissir þú að það er hægt að fara með pappa, plast og aðra flokka sem eru í miklu magni til Íslenska Gámafélagsins og lækka þar með losunargjald?
6. Fylgist með hvernig til gengur
- Fylgist með hvort það sé verið að flokka rétt
- Takið upp umræðu á starfsmannafundum til að komast að hindrunum við að flokka rétt og fáðið uppástungu hjá starfsfólki um hvernig væri hægt sé að gera betur
- Takið nauðsynleg skref til að innleiða frekari breytingar til að tryggja rétta flokkun
Vissir þú að á landsbyggðinni fer almennt sorp í urðun en á höfuðborgarsvæðinu fer flest almennt sorp í orkunýtingu?
Fræðsluefni um flokkun hjá þjónustuaðilum
Gættu þess að matarolía sé flokkuð sér í upprunalegum brúsum og að geyma kvittanir fyrir heilbrigðiseftirlitið
