☐ Vissir þú að samkvæmt lögum atvinnuréttindi útlendinga ber atvinnurekendum og stéttarfélögum að veita starfsfólki með tímabundið atvinnuleyfi upplýsingar um íslenskunámskeið sem þeim standa til boða?

☐ Símenntunarmiðstöðvar og aðrir fræðsluaðilar um allt land bjóða upp á fjölbreytt íslenskunámskeið á öllum stigum, frá byrjendum til lengra kominna. 

• Oft eru námskeið hönnuð með tilliti til ákveðinna starfa eða kennd í tungumálahópum.
• Ef þú finnur ekki íslenskunámskeið auglýst á þínu svæði, geturðu alltaf haft samband við  símennuntarmiðstöð í þínu samfélagi. Smelltu hér á kortið til að finna miðstöð nærri þér.
• Ekki gleyma að kanna möguleikana á styrkjum hjá stéttarfélögum og fræðslusjóðum! Mörg þeirra endurgreiða/styrkja allt að 90% af námskeiðsgjaldi.

Við hjá Hæfnisetri ferðaþjónustu, í samstarfi við hagaðila, höfum þróað sérhæfða fagorðaforðalista fyrir störf í ferðaþjónustu, með algengum orðum og frösum sem notaðir eru í greininni. Orðalistarnir geta bætt og aukið samskipti á vinnustað og við þjónustu ferðafólks sem vil líka læra smá íslensku með því að læra stök orð.

• Orðalistarnir eru á þremur tungumálum og hægt er að hlusta á framburð orða á íslensku.
• Fagorðalistar ferðaþjónustunnar eru fyrir móttöku, þrif og umgengni, eldhús, skoðunarferðir og akstur, afþreyingu og þjónustu í sal.  Nálgast má listana hér.
• Fiskabúrið er og geymir safn heita yfir matfisk, með myndum eftir Jón Baldur Hlíðberg, sem gjarnan er notuð í rétti veitingastaða. Nöfn fiskategunda eru á fjórum tungumálum. Nálgast má Fiskabúrið hér.

Skipulagning vakta og boðun starfsfólks á  íslenskunámskeið innan vinnutíma getur verið flókin, sérstaklega í ferðaþjónustu þar sem vaktavinna er algeng. Fjarkennsla í íslensku er mjög algeng og stendur starfsfólki til boða óháð staðsetningu á landinu.

• Flestir fræðsluaðilar eru tilbúnir að vinna með fyrirtækjum að því að hanna vefnámskeið sem mætir þörfum þeirra, jafnvel starfstengd m.t.t. fagorða, fyrir tiltekinn fjölda starfsfólks sem vill læra íslensku.
• Einnig er boðið upp á fjölbreytt íslenskunámskeið sem ganga út frá  sjálfsnámi á netinu. Sjálfsnám getur innihaldið kennslustundir, prentvænt efni og leiðbeiningar um framburð. 
• Dæmi um námskeið sem ganga út frá sjálfsnámi: 
  • Lóa Language School og Icelandic Online
  • Íslenska fyrir alla 1-4 er námsefni fyrir fullorðna sem læra íslensku sem annað eða sem erlent mál.
  • Rúv Orð er nýr vefur sem notar sjónvarpsefni til að aðstoða fólk við að læra íslensku á nýstárlegan hátt.

Með auknum tæknimöguleikum eru til fjölbreyttar stafrænar lausnir til að læra orðaforða og æfa notkun íslenskunnar, eins og öpp, myndbönd, netorðabækur og lausnir tengdar íslenskri málfræði.  Slíkur stuðningur nýtist bæði þeim sem eru að læra íslensku og samstarfsfólki þeirra.

Hægt er að nálgast alls konar starfrænar lausnir á síðunni okkar Námskeið fyrir ferðaþjónustunir með því að velja valkostinn „starfrænt“.

Dæmi um starfrænan stuðning við að læra, nota og æfa íslensku: 

• Bara tala byggir á gervigreind og íslenskri máltækni.  Boðið er upp á starfstengt íslenskunám og grunnnámskeið í íslensku fyrir vinnustaði. Sem stendur er Bara Tala aðeins í boði fyrir vinnuveitendur gegn endurgjaldi.
• Play Your Way to Iceland!  er fræðsluvettvangur fyrir fólk sem vill kynna sér Ísland, tungumálið og menningu.
• Málstaður er gagnlegur stuðningur við notkun íslensku, þar á meðal við að skrifa góðan texta, talgreiningu og hreinskrift á texta og svörun spurninga. 
• Íslensk nútímamálsorðabók er aðgengileg rafræn orðabók sem inniheldur 56 þúsund uppflettiorð, orðasambönd, orðskýringar, myndskreytingar, hljóðritanir á framburði flestra orðanna og tenglar á beygingar orða.

Samfélagstengd íslenskukennsla er gagnleg leið til að æfa íslensku í nærsamfélagi, stuðla að inngildingu og skapar sameiginleg tækifæri fyrir starfsfólk og fyrirtæki til að varðveita staðbundna menningu og tungumál.

• Símenntunarmiðstöðvar, bókasöfn og félagssamtök bjóða oft upp á ókeypis samfélagsleg verkefni fyrir fólk sem er að læra íslensku.  Við mælum með því að hafa samband við skrifstofu sveitarfélagsins til að fá frekari upplýsingar um íslensk verkefni í nærsamfélaginu. 
• Vissir þú að tengsl við nærsamfélagið til dæmis með íslenskukennslu og þjálfun, eru einnig mikilvægur þáttur í sjálfbærri ferðaþjónustu með  ávinningi fyrir nærsamfélag, starfsfólk og fyrirtæki.

Dæmi um slík námskeið eru:  Gefum íslensku séns á Vestfjörðum, Icelandic Language Club á Akureyri og Kvennaborðið í Reykjavík.

Ferðaþjónusta á Íslandi hefur vaxið mikið og laðað að sér gesti og starfsfólk frá öllum heimshornum. Þess vegna er mikilvægt að nota og efla íslenska tungu í ferðaþjónustu. Íslenskan, með sínar djúpu sögulegu rætur og menningarlegu þýðingu, er mikilvægur hluti af arfleifð og sjálfsmynd þjóðarinnar. Með því að stuðla að notkun íslensku í ferðaþjónustu varðveitum við ekki aðeins þennan einstaka tungumálafjársjóð heldur bætum við upplifun gesta. 

Hér á eftir eru níu hagnýtar aðgerðir sem þú getur gripið til til að styrkja íslenskuna hjá þínu fyrirtæki.

1. Styðjið og hvetjið starfsfólk til að læra íslensku: Reynið að styðja við íslenskunám og verið sveigjanleg í að leyfa starfsfólki að sækja íslenskunámskeið á vinnutíma, aðstoðið við að fjármagna aðgengi að námskeiðum og taka þátt í samfélagslegum tungumálaverkefnum.
2. Notið stafrænar lausnir: Hvetjið starfsfólk til að nýta tækni til að styðja við notkun íslenskunnar, til dæmis þýðingarforrit, orðabækur og önnur úrræði til að styðja við samskipti á íslensku. 
3. Búðu til  leiðbeinenda kerfi: Pörun á reiprennandi íslenskumælandi starfsfólki við þá sem eru að læra, með því að búa til leiðbeinenda kerfi til að styðja við notkun íslenskunnar á vinnustaðnum. 
4. Upplýsið erlenda starfsmenn: Gakktu úr skugga um að nýir starfsmenn fái upplýsingar um íslenskunámskeið sem hluta af móttöku nýliða ferlinu. 
5. Sýndu íslenska: Gakktu úr skugga um að íslenskan sé áberandi í öllu prentuðu efni og á skiltum. 
6. Hvettu til að nota íslensku: Gefðu hrós og viðurkenningu til starfsfólks sem notar og styður við notkun íslenskunnar í samskiptum við gesti og samstarfsfólk. 
7. Notið í samskipti við viðskiptavini: Hvetjið starfsfólk til að heilsa og eiga samskipti við gesti á íslensku fyrst, og skipta yfir í annað tungumál þegar nauðsyn krefur. 
8. Hvettu starfsfólk til að fylgist með íslenskum miðlum: Hvetjið starfsfólk til að fylgjast með íslenskum fjölmiðlum eins og dagblöðum, bókmenntum, útvarpi og sjónvarpi til að bæta tungumálakunnáttu sína, skilja núverandi atburði og tengjast staðbundinni menningu.
9. Þorðið að gera kröfur: Þorðu að gera kröfur um lágmarkskunnáttu í íslensku í ákveðnum störfum í þínu fyrirtæki.

• Með því að innleiða Málstefnu á vinnustöðum tryggjum við að tungumálið haldist lifandi og viðeigandi um leið og það styður starfsfólk, sveitarfélög og fyrirtæki við að viðhalda menningarlegum áreiðanleika sínum.
• Málstefna tengist aðgerðum til að hafa áhrif á málnotkun og viðhorf til tungumála og inniheldur skýrar leiðbeiningar um hvaða tungumál eigi að nota, hvenær og í hvaða aðstæðum. Málstefna stuðlar einnig að auknu virði, gagnsemi og tilgangi íslenskunnar hjá fyrirtækjum.

Hægt er að nálgast sniðmát  af málstefnu á innri vefnum okkar. 

„Staða íslenskrar tungu verður best treyst með því að nota íslensku sem víðast í íslensku samfélagi og á sem fjölbreyttastan hátt þannig að engin svið verði út undan.“  (Tillögur Íslenskrar málnefndar að Íslenskri málstefnu)