Hvernig skipuleggur Z kynslóðin ferðalög sín? Hvað hefur áhrif á ákvörðunartöku hennar og hvaða væntingar hefur hún til upplifunar og þjónustu? Þessum spurningum verður svarað á næsta Menntamorgni ferðaþjónustunnar sem ber yfirskriftina „Ferðalag með Z kynslóðinni“ og fer fram miðvikudaginn 19. nóvember kl. 11:00–12:00 í beinu streymi á Facebook.

Á fundinum verður sjónum beint að ferðavenjum Y og Z kynslóðarinnar – allt frá fyrstu hugmynd á TikTok til síðustu stjörnugjafar á Google. Rætt verður um hvernig samfélagsmiðlar og gervigreind móta hegðun ferðamanna, og hvernig ungt fólk setur ný viðmið um sjálfbærni, upplifun og einstaklingsmiðaða þjónustu. Fyrirtæki í ferðaþjónustu fá innsýn í hvernig þau geta brugðist við þessum væntingum með snjöllum lausnum og nýjum nálgunum.

Viðburðurinn er haldinn í samstarfi Hæfniseturs ferðaþjónustunnar, Samtaka ferðaþjónustunnar og Markaðsstofa landshlutanna, er öllum opinn og aðgengilegur í streymi.

Dagskrá fundar:

„Að grípa athygli Gen Z á samfélagsmiðlum“ Cathrine Frederiksen, sérfræðingur í efnisgerð hjá Digido

„Er stafræna heimilisfangið í lagi?“ Rögnvaldur Már Helgason,verkefnastjóri útgáfu og almannatengsla hjá Markaðsstofu Norðurlands

„I just don’t try that hard“ Holly Keyser, eigandi Skool Beans Café 

„Hvað skiptir kynslóðirnar máli í ferðaupplifun og þjónustu?“ Anna Steinsen eigandi og þjálfari hjá Kvan

Fundarstjóri er Sölvi Guðmundsson, teymisstjóri markaða og menningar hjá Vestfjarðastofu

Skráning hér: https://haefni.is/ferdalag-med-z-kynslodinni-skraning/