Hæfnisetur ferðaþjónustunnar og SAF boða til Menntamorguns ferðaþjónustunnar 27. maí nk. kl. 14.00. Umfjöllunarefni fundarins er fræðsla í ferðaþjónustu með áherslu á móttöku nýs starfsfólks.
Stjórnendur tveggja ferðaþjónustufyrirtækja segja frá reynslu sinni og áherslum af því að taka á móti starfsfólki, hvað hefur reynst þeim vel og hvernig þeir undirbúa sig og sitt starfsfólk sem er að mæta til starfa eftir hlé. Gefin verða góð ráð að farsælu samstarfi frá fyrsta degi.
Dagskrá stendur frá 14.00 til 14.45 og hægt verður að fylgjast með í streymi á fésbókarsíðu Hæfniseturs ferðaþjónustunnar.
DAGSKRÁ
Farsælt samstarf frá fyrsta degi
Sif Svavarsdóttir, sérfræðingur frá Hæfnisetri ferðaþjónustunnar
Að koma til baka
Sigríður Margrét Guðmundsdóttir, eigandi Landnámsseturs Íslands
Nýliðinn, þjálfarinn og leikmenn
Jónína Magnúsdóttir, mannauðsmál hjá Blue Car Rental
Hvatning
Bjarnheiður Hallsdóttir, formaður SAF
Fundarstjóri er Ágúst Elvar Bjarnason, verkefnastjóri SAF
