Share on facebook
Share on twitter

Atvinnuvega- og nýsköpunarráðuneytið fjármagnar Hæfnisetur ferðaþjónustunnar til 2023

Þórdís Kolbrún R. Gylfadóttir, ferðamála-, iðnaðar- og nýsköpunarráðherra, og Sveinn Aðalsteinsson, framkvæmdastjóri Fræðslumiðstöðvar atvinnulífsins, hafa skrifað undir þjónustusamning um áframhaldandi starf Hæfniseturs ferðaþjónustunnar til næstu þriggja ára.

Samningurinn felur í sér áframhaldandi uppbyggingu á hæfni starfsmanna í íslenskri ferðaþjónustu með enn auknum stafrænum verkfærum í fræðslu sem og uppbyggingu þrepaskipts náms í samstarfi við fræðsluaðila. Áhersla verður á að ýta undir klasasamstarf fyrirtækja í ferðaþjónustu í fræðslu.

Samningurinn gildir til loka árs 2023. Framlög ráðuneytisins nema 50 m.kr. á ári til Fræðslumiðstöðvar atvinnulífsins sem hýsir verkefnið Hæfnisetur ferðaþjónustunnar.

Á mynd: María Guðmundsdóttir, fræðslustjóri SAF og formaður Hæfniseturs ferðaþjónustunnar, Þórdís Kolbrún R. Gylfadóttir, ferðamála-, iðnaðar- og nýsköpunarráðherra, og Sveinn Aðalsteinsson, framkvæmdastjóri Fræðslumiðstöðvar atvinnulífsins.

Skráðu þig á póstlista Hæfnisetursins

Fræðslumiðstöð atvinnulífsins hýsir Hæfnisetur ferðaþjónustunnar

Atvinnuvega- og nýsköpunarráðuneytið fjármagnar verkefnið

Hafðu samband