Samskipti við gesti

Samskipti við gesti

Þú þarft að vera vakandi fyrir þörfum gestanna og kunna að lesa í aðstæður þeirra. Eru gestirnir að flýta sér eða eru þeir að njóta? Eru þeir á rómantísku stefnumóti, viðskiptafundi eða er um að ræða barnafjölskyldu? Eru þau ein á ferð eða í hóp? Slíkt skiptir máli með tilliti til þess hvort að gestirnir vilji frekar fá snögga og fagmannlega þjónustu eða hvort að þeir vilji spjalla við þjóninn á aðeins persónulegri nótum.

Nokkur góð ráð:

• Brostu og vertu kurteis.  Það er grundvallaratriði í því að láta gestum líða vel og velkomnum.
• Horfðu í augun á gestinum þegar þú talar við hann.
• Hugaðu að líkamsstöðu þinni. Krosslegðu ekki hendur og stattu bein/-n í baki.
• Notaðu röddina á áhrifaríkan hátt þannig að gesturinn skynji að þú hafir áhuga.
• Hlustaðu vel á það sem gesturinn er að segja og reyndu að láta ekkert trufla þig.
• Ef gesturinn er reiður eða í uppnámi, haltu ró þinni. Reyndu jafnframt eftir bestu getu að leysa úr vandanum (sjá: Kvartanir).
• Mikilvægt er að þú sem þjónn sért alltaf til taks þegar gestir vilja ná sambandi við þig. Til að mynda máttu ekki gleyma þér í spjalli við samstarfsfólk í veitingasalnum heldur þarf athyglin að vera á gestunum.
• Ef þú þarft að fara í símann eða borða, farðu afsíðis þar sem gestir sjá ekki til.
• Gott er að undirbúa sig vel undir helstu spurningar sem gestir kunna að spyrja, sérstaklega um matseðilinn. Ef upp kemur spurning sem þú veist ekki svarið við, þá er í góðu lagi að segja við gestinn að þú sért óviss, ætlir að spyrjast fyrir um málið og komir til baka eftir skamma stund.na persónulegum erindum í símanum þínum. 

Fræðslumyndband um þjónastarfið á ensku: https://www.youtube.com/watch?v=Fdn7XfP3ODs