Verkfærakista

Hér getur þú fundið ýmis tæki til að aðstoða þig við að koma á fræðslu innan þíns fyrirtækis og ýmsa mælikvarða til að meta árangur fræðslunnar. Jafnframt finnur þú hér ýmis hagnýt námskeið sem eru í boði fjölbreyttra fræðsluaðila um land allt, innan þíns sviðs. Handbók fyrir verkefnastjóra í verkefninu Fræðsla í ferðaþjónustu er jafnframt hér ásamt fylgiskjölum.

Fagorðalisti ferðaþjónustunnar

Um er að ræða orðasafn algengra orða sem notuð eru í ferðaþjónustunni og geta auðveldað samskipti á vinnustað. Hægt er að velja orðalista fyrir móttöku, þrif og umgengni, eldhús, afþreyingu og þjónustu í sal. Orðalistarnir eru á þremur tungumálum en hlusta má á framburð orðanna á íslensku.

Fiskabúrið

Fiskabúrið geymir safn heita yfir matfiska sem notaðir eru í réttum veitingastaða. Markmiðið er að styrkja starfsfólk í samskiptum við gesti og auka gæði þjónustu við þá. Heitin eru á íslensku, latínu, póslku og spænsku, en hlusta má á framburð orðanna á íslensku. 

Þjálfun í gestrisni

Fræðsluefnið byggir á raundæmum sem eru fjölbreyttar sögur af atburðarás sem átt hefur sér stað við ákveðnar aðstæður. Sögurnar eru ætlaðar til þjálfunar og fræðslu á vinnustað og geta auðveldað starfsfólki að setja sig í spor viðskiptavina.

Rafræn fræðsla

Veistu appið er auðveld og áhugaverð leið til að miðla fræðslu til starfsfólks. Stjórnendur geta búið til spurningaleiki í gegnum aðgengilegt vefviðmót, deilt þeim til starfsfólks sem svarar þeim í snjalltækjum. Stefna hugbúnaðarhús hannar smáforritið.

Fræðsla í ferðaþjónustu

Handbók og fylgiskjöl fyrir verkefnastjóra

Markmiðið með handbókinni er að tryggja sameiginlegan skilning Hæfnisetursins, fræðsluaðila og fyrirtækis á verkefninu, tryggja gæði og gera gögn aðgengileg fyrir verkefnastjóra í verkefninu. 

Þarfagreining fræðslu

Markmið þessarar könnunar er að meta þörf starfsmanna fyrir fræðslu og þjálfun. Hvaða fræðslu eða þjálfun þarft þú til að verða enn betri starfsmaður? Könnunin er aðgengileg á íslensku, ensku og pólsku.

Hafðu samband