Versta og dónalegasta fyrirtækið í farþegaflutningum

SAGAN:

Versta upplifun okkar hingað til og mjög ófagleg. Við áttum pantaðan bíl kl. 07:45, sem kom ekki. Við hringdum og sá sem svaraði sagði „ó þú ert ekki á listanum.“ Síðan fékk ég samband við einhvern annan. Hann sagði „bíddu þarna! Bílstjórinn kemur bráðum.“ Einstaklega dónalegur. Jæja, bílstjórinn kom ekki svo ég hringdi aftur og var sagt að það væri 10 mínútna bið. Bílstjórinn stormaði inn í komusalinn og hrópaði nafnið mitt hástöfum og segir svo „komdu með mér.“ Við komum að bílnum, hann lét okkur sjálf hlaða farangrinum í bílinn, keyrðum við til AirBnB gistingar okkar. Meðan á akstrinum stóð hringdi hann, sendi SMS og hann fór meira að segja á netið. Fáránlegt. Fyrirtækið gaf honum upp rangt heimilisfang, hann stundi þegar ég sagði honum rétt heimilisfang. Þegar við komum í íbúðina henti hann bókstaflega töskunum okkar á blauta götuna sagði vinum mínum „flýtið ykkur og farið.“ Já, ég er ekki að grínast, hann sagði það reyndar. Ekki veit ég hvað við gerðum til að gera hann svona fúlan en hann var ekki ánægður. Versta reynsla og upplifun af Íslandi. Ekki versla við þetta fyrirtæki. Ég hef aldrei upplifað annað eins og gat varla trúað þessu. Taktu frekar rútuna í stað þess að eyða 250 USD í leigubíl fyrir 5 manns. Starfsfólkið þar er mjög vingjarnlegt og miklu áreiðanlegra. Vona að þetta hjálpi!

VERKEFNIÐ:

Hvaða áhrif hafa samskiptin við þjónustuborðið á viðskiptavininn?

Hvaða áhrif hefur slæm þjónusta við komuna til landsins á ferðamenn?

Hvernig hefði bílstjórinn veitt betri þjónustu?

Er hægt að vera veita góða þjónustu þegar tungumálakunnátta er lítil, hvernig?

Hafðu samband