Hæfnisetur ferðaþjónustunnar

Hæfnisetur ferðaþjónustunnar er sérfræðisetur sem aðstoðar fræðsluaðila og fyrirtæki við að koma á fræðslu og þjálfun í fyrirtækjum ferðaþjónustunnar. Hæfnisetrið er vistað hjá Fræðslumiðstöð atvinnulífsins ehf. sem er í eigu aðila vinnumarkaðarins. Starfsemin er tryggð til ársloka 2020 en atvinnuvega- og nýsköpunarráðuneytið fjármagnar verkefnið.

Megináherslur í starfi

Starf Hæfnisetursins er unnið á forsendum ferðaþjónustunnar, því er samtal og samráð við atvinnulífið, ferðaþjónustufyrirtækin, fræðsluaðila, stjórnvöld og opinbera aðila afar mikilvægt.

Skipta má starfsemi Hæfnisetursins í tvö verkefnasvið sem hafa það sameiginlega markmið að auka framleiðni og gæði í ferðaþjónustu, sem og starfsánægju og fagmennsku starfsfólks, einkum framlínustarfsmanna og millistjórnenda.

Í fyrsta lagi er um að ræða tilraunaverkefni undir yfirskriftinni Fræðsla í ferðaþjónustu sem miðar að því að gefa fyrirtækjum kost á því að fjárfesta í hæfni starfsfólks með markvissri fræðslu. Tilraunaverkefnið er unnið í samstarfi við fræðsluaðila víða um land sem aftur eru í samstarfi við fyrirtæki og hagaðila á hverju svæði.

Í öðru lagi hefur Hæfnisetrinu verið falið af aðilum vinnumarkaðarins að koma með tillögur að stefnu fyrir formlegt nám í ferðaþjónustu. Það verkefni er unnið í samstarfi við yfirvöld, skóla, aðila atvinnulífsins og fyrirtækja.

Hlutverk

  • Að starfa á forsendum ferðaþjónustunnar til að auka hæfni starfsfólks og þar með auka gæði, fagmennsku, starfsánægju og arðsemi greinarinnar.
  • Að greina fræðsluþarfir, móta leiðir, auka samvinnu um fræðslu og koma henni á framfæri til fræðsluaðila og fyrirtækja.
  • Að fá fræðsluaðila til að standa fyrir mælanlegri og árangursmiðaðri fræðslu í samræmi við þarfir greinarinnar.

Framtíðarsýn

  • Uppbygging hæfni innan ferðaþjónustu er á forsendum og í takti við þarfir og þróun greinarinnar og samfélagsins.
  • Ferðaþjónustan er eftirsóknarverður starfsvettvangur með miklum möguleikum til að þróast í starfi.
  • Ferðaþjónustan hefur á að skipa framúrskarandi hæfu starfsfólki.
Sveinn Aðalsteinsson, framkvæmdastjóri Fræðslumiðstöðvar atvinnulífsins og Hæfniseturs ferðaþjónustunnar, Lilja Alfreðsdóttir, mennta- og menningarmálaráðherra, Þórdís Kolbrún R. Gylfadóttir ferðamálaráðherra og Jóhannes Þór Skúlason, framkvæmdastjóri SAF.

Samstarfsaðilar

Fjölbreyttur hópur hagaðila og samstarfsaðila kemur að starfi Hæfniseturs ferðaþjónustunnar, auk þess sem Hæfnisetrið er í samstarfi við fræðsluaðila víða um land í verkefninu Fræðsla í ferðaþjónustu.

Fræðsluaðilar

  • Framvegis – miðstöð símenntunar
  • Fræðslunetið – símenntun á Suðurlandi
  • Gerum betur – höfuðborgarsvæðið og Suðurland
  • Miðstöð símenntunar á Suðurnesjum
  • Mímir símenntun – höfuðborgarsvæðið
  • Símenntunarmiðstöðin á Vesturlandi
  • SÍMEY – Símenntunamiðstöð Eyjafjarðar
  • Þekkingarnet Þingeyinga
  •  RM Ráðgjöf

Aðrir samstarfsaðilar

  • Atvinnuvega- og nýsköpunarráðuneytið
  • Austurbrú
  • Endurmenntunarstofnun HÍ
  • Farskólinn – miðstöð símenntunar á Norðurlandi vestra
  • Fræðslumiðstöð atvinnulífsins
  • Fræðslumiðstöð Vestfjarða
  • IÐAN fræðslusetur
  • Mennta-og menningarmálaráðuneytið
  • Samtök ferðaþjónustunnar
  • Símennt HR – Opni háskólinn
  • Símenntun Háskólans á Bifröst
  • Símenntun Háskólans á Akureyri
  • Símenntunarmiðstöð Vestmannaeyja
  • Vakinn – gæðakerfi ferðaþjónustunnar
  • Kompás – verkfærakista í mannauðsstjórnun

Fagmennska

Samvinna

Tengsl

Hafðu samband